Жуырда Түркістан облысында туристік көпсайыс бойынша Қазақстан Республикасы кубогының финалы өтті. Аталмыш жарысқа Қазақстанның әр өңірінен 30-дан астам команда қатысты. Батыс Қазақстан облысының құрамасына балалар, жасөспірімдер, ересектер жас ерекшелігі бойынша 3 команда қатысып, өз бақтарын сынады.
Батыс Қазақстан облысының 3 жас ерекшелігінің құрама командалары туризм бойынша Қазақстан Республикасының чемпионатында және туристік көпсайыс бойынша Қазақстан Республикасының финалында жүлделі 1 орынды иеленді. Аталған додада Жәнібек аудандық білім беру бөлімінің балалар-жасөспірімдер туризмі және экология орталығының әдіскері, ҚР спорт шебері Ерлан Неғметов тәрбиеленушілері Азат Картес (№1 мектеп-лицейі), Батырхан Мұратов (Т.Жароков ЖББОМ), Жангүлім Жеңдеткалиева (№1 мектеп-лицейі) қатысты.
Жекелей сында Азат Картес 2-орынды иемденсе, «Байлам қашықтығы» бойынша жасөспірімдер тобы Азат Картес пен Батырхан Мұратов жеңіс тұғырынан көрінді. Ал ересек тобы бойынша Ерлан Неғметов 1-орынды қанжығасына байлады.
Лаура Қайрат,
Жәнібек ауданы
zhaikpress.kz
