Бөкей ордасы ауданы орталығындағы балалардың ойын алаңы, саябақтардағы электр тогының қауіпсіздігі назарға алынды.
Сайқын ауылдық округінің әкімі Нұргүл Омарова, аудандық тұрғын үй - коммуналдық шаруашылық, жолаушылар көлігі және автомобиль жолдары бөлімінің басшысы Жалғас Ташуов, аудандық полиция бөлімінің кіші сержанты Жалғас Төлеғалиев, электрик маман Арман Өтегенов көпшілік жиналатын орындардың қауіпсіздігін тексеріп шықты.
Нәтижесінде аудандық аурухана аумағындағы балалар ойын алаңында жарық жоғы, Күйшілер саябағындағы электр шамы бағандарының дұрыс жалғанбағаны белгілі болды. Анықталған ақаулар бойынша акт толтырылып, тиісті шаралар қолға алынбақшы.
Анар Артықбай,
Бөкей ордасы ауданы
zhaikpress.kz
