Жуырда Жәнібек ауданында «Дәрмек» жедел профилактикалық іс-шарасы өткізілді. Аудандық полиция бөлімінің бізге берген мәліметіне сүйенсек, аталмыш іс-шара өткізу барысында Жәнібек ауылының тұрғыны Е. есімді азамат есірткі заттарын заңсыз сатып, аудан көлемінде таратқаны анықталды.
Күдікті ұсталып, қамауға алынды. Тұрғылықты мекенжайы бойынша тінту жүргізгенде есірткіге ұқсас заттар табылды. Қазіргі таңда Қазақстан Республикасы Қылмыстық Кодексінің 297-бабы 1-бөлігімен сотқа дейінгі тергеп-тексеру жұмыстары жүргізілуде.
Гүлзара Мәди,
Жәнібек ауданы
zhaikpress.kz
