Грекияның Ираклион қаласында таэквондо ITF-тан Еуропа чемпионаты өтті.
Крит аралдарында байрағы желбіреген спорт додасына Еуропаның әр түкпірінен келген жүздеген таэквандошы бақ сынады. Ел намысын арқалап, осынау байрақты бәсекеге Бәйтерек ауданына қарасты Трекин мектебінің жетінші сынып оқушысы Даниил Рубцов та барды.
Грекия даянгінде шашасына шаң жұқтырмай, қарсыластарын қоғадай жапырған Даниил Рубцов Еуропа чемпионатының алтын медаліне ие болды.
Аралбек Ахметов жаттықтыратын Даниил 11-13 жас ерекшелігі бойынша 35 келі салмақ дәрежесінде өнер көрсетті. Спортшы жаттығу жасау үшін облыс орталығына қатынап тұрады екен.
Назерке Сыйлыбаева,
Бәйтерек ауданы
zhaikpress.kz
