16.05.2024, 17:00
Оқылды: 4

Газет — тәрбие құралы

 

Теректі ауданына өңірімізге танымал қоғам белсендісі, саясаттанушы, еңбек ардагері Табылғали Сапаров, «Жайық Пресс» ақпарат агенттігінің бас редакторы Нұрбек Оразаев ат басын тіреді.

442511240_2599458436902701_5406482740168710881_n

Меймандар ең алдымен аудан әкімінің орынбасары Қалаубек Теміровтың қабылдауында болып, сапардың мақсатымен таныстырып, ауданның тыныс-тіршілігіне қанықты. Одан әрі аудандық әкімдік залында көпшілікпен жүздесті.

441402154_2599458523569359_8296833483058014452_n

 Дана халқымызда «Көп жасағаннан сұрама, көпті көргеннен сұра» деген аталы сөз бар. Басқосу барысында өмірлік тәжірибесі мол, кезінде бірақтар басшылықта болған Табылғали Сатқалиұлы егеменді еліміздің өсіп-өркендеуі һәм бүгінгі хал-ахуалы хақында әңгіменің тиегін ағытты. Жалпы отанымыздың даму жолында қай саласында болмасын тәрбие дұрыс болмаса, еш кемшілік болмайтынын айта келе, ал сол тәрбиелеудің бірден-бір жолы – баспасөз құралы екенін тілге тиек етті.

443698531_2599458570236021_7827511488642069742_n

- Бір сөзбен айтқанда, газеттің қоғамдағы рөлі мен пайдасы шаш-етектен. Басылымның қай кезде де орны орасан зор. Білгенің қайсы, білмегенмен бөліспесең. Өмірбаянымды айтып мақтануды мақсұт қылмадым, жалпақ жұртшылыққа үлгі болсын, егер тыңдар құлақ болса, жиған-тергенімді бөлісейін деген оймен келдім, – деді Т.Сапаров.

Жиын соңында аудан әкімінің орынбасары Қалаубек Баубекұлы, аудандық мәслихат төрағасы Әлжан Нұрғалиев сөз алып, келген қонақтарға ризашылықтарын білдірді.

Жолдығалидың Самалы,

Теректі ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале