Қараөзен ауылының 1999-2000 жылы дүниеге келген перзенттерінің тікелей бастамасымен ауыл жастары бірігіп, сауабы мол істі қолға алды.
Қасиетті Рамазан айында Қараөзен ауылында тұратын көпбалалы сегіз отбасыға қайырымдылық жасап, бірінші кезектегі әлеуметтік маңызы бар азық-түліктер алып берді. Жас та болса ұйымшылдық көрсетіп, жылы жүректерімен жомарттық танытқан ауыл жастарына әлеуметтік көмекке ие болған барлық отбасылар ризашылықтарын білдіріп, алғыстарын жаудырды.
Жиырма жасқа толар-толмастан қайырымды іске жұмылып, шынайы достықтарымен көпке үлгі бола білген осындай жалынды жастардың қатары ауданымыздың әр ауылында көбейе берсін!
Қыдыр Харесұлы
Казталов ауданы
zhaikpress.kz
