Бүгін, Қаратөбе ауданының денсаулық сақтау саласында игі іс қолға алынды. Қасиетті Қаратөбе жерінде дүниеге келіп, туып өскен бір топ облыс орталығында қызмет жасайтын дәрігерлер қайырымдылық айлығы аясында аудан орталығындағы ауруғанаға келіп, "Шапағат нұры" тақырыбымен аудан жұртшылығына медициналық қызмет көрсетіп, дәрігерлік кеңестерін берді.
Облыс орталығынан келген жерлес дәрігерлерді аудандық аурухананың бас дәрігері Ербол Меңдіғалиев және аурухананың дәрігерлері кардиолог Әсемгүл Мұханова, тіс дәрігері Бақсұлу Сүйеуғалива, хирург-дәрігер Нұрбол Құдайберген, ауруханының аға медбикесі Анаргүл Хасанова және тағы да басқаларлар қарсы алды.
Туған жерге ізгі іспен келген жерлес дәрігерлер ең әуелі аудандық орталық аурухананың бас дәрігері Ербол Қуанышұлының кабинетінде жұмыс жоспарымен ой бөлісті.
Аурухананың басшысы Е.Меңдіғалиев облыс орталығынан келген жерлес дәрігерлердің игі істеріне зор ризашылығын білдірді.
Осы айтулы іс-шараға келген жерлесіміз Ардақ Мұқанова сөз алып, аудандық аурухананың бас дәрігері Ербол Қуанышұлына елде өтіп жатырған қайырымдылық айында өздерінің көтерген игі бастамасын ыстық ықыласпен қолдағандығына ризашылық сезімін жеткізді.
Аудандық аурухананда дәрігерлер жеткілікті. Дейтұрғанмен қайырымдылық айында "Шапағат нұры" тақырыбында туған жеріміздегі жерлестерімізге медициналық көмек көрсету мақсатында елге келіп отырмыз.
Бұл, біздің алғаш рет ұйымдастырып отырған іс-шарамыз емес. 2017 жылы туған ауылымыз Аққозы ауылына келіп, тұрғындарға медициналық қызмет көрсеткен болатынбыз.
Бүгінгі медициналық қызмет көрсету іс-шарасына облыс орталығынан дәрігер-хирург, педиатор-анестиезолог, терапевт, педиатор, аллерголог-дерматолог мамандар келіп отыр. Қайырымдылық көрсету – қасиетті іс. Осы бағытта жерлестерімізге өзіміздің ізгі ниетімізбен қайырымдылық танытуды жөн көрдік, – дейді дәрігер сарапшы, невролог, Батыс Қазақстан облыстық әлеуметтік қорғау және еңбек департаменті басшысының орынбасары Ардақ Мұқанова.
Бұл сапарда көпшілікке танымал, облыстағы мықты хирург-дәрігердің бірі жерлесіміз Жанайдар Қазтуғанұлы да аудан тұрғындарына медициналық көмек көрсетті. Аудан тұрғындары жерлес дәрігерлерге деген ризашылығын сезімін жаудырды.
Ерболат Райсов,
Қаратөбе ауданы
zhaikpress.kz
