Теректі ауылының орталық стадионында аудандық төтенше жағдайлар бөлімінің ұйымдастыруымен «Қауіпсіз аула» акциясы аясында шара өтті.
Оған аудан әкімдігінің, полиция бөлімінің өкілдері, аурухана қызметкерлері, жедел жәрдем бригадасы, білім беру бөлімі, БАҚ өкілдері, ұстаздар мен ата-аналар қатысты.
Акция барысында балалар мен ата-аналарға, ұстаздарға өрт кезіндегі алғашқы әрекеттер, жол қауіпсіздігі ережелері, суға бату кезіндегі алғашқы көмектің дағдылары практикалық түрде көрсетілді. Сонымен қатар балаларға сұрақтар викторинасы, асфальтқа бормен сурет салу сайысы, би флэшмоб ұйымдастырылды.
Шарадан соң балаларға қауіпсіздік тақырыбындағы жаднамалар мен аудандық төтенше жағдайлар бөлімі әзірлеген тәттілер таратылды.
Айшабибі Мәмет,
Теректі ауданы
zhaikpress.kz
