Казталов ауданына қарасты Қарасу ауылдық округінің орталығында жол қатынасы қалпына келтірілуде. Қараөзеннен келген ағын су Қарасу ауылына да жетіп, «Қарасу-Ащысай-Кіші Бостандық» бағытындағы аудандық маңызы бар жол және «Қарасу-Жұлдыз-Жалпақтал» бағытындағы облыстық маңызы бар жолды су шәйіп, ауылға қатынас үзілген болатын.
Қазіргі таңда Казталов ауданына Алматы облысынан келген техникалар жұмылдырып, «Қарасу-Ащысай-Кіші Бостандық» бағытындағы аудандық маңызы бар жолды қалпына келтіру жұмыстары жүріп жатыр. Аудан әкімі Асланбек Сарқұлов бүгін Қарасу ауылына барып, жол қатынасын қалпына келтіру жұмыстарын бақылады.
Сонымен қатар бүгін Қараөзеннен келген ағын су «Үш күтір» каналы арқылы Сарыөзенге құйды. Бұл талай жылды ортаға салып бір қайталанар құбылыс.
Казталов ауданы әкімдігінің баспасөз қызметі
