Казталов ауданындағы Алма Оразбаева атындағы жалпы орта білім беретін мектептің құрылысы тамыз айында аяқталады деп күтіліп отыр. Бұл туралы БҚО құрылыс басқармасының өндірістік-техникалық бөлімінің бас маманы Парасат Жұмағалиев «AMANAT» партиясы Казталов аудандық филиалының бақылау комиссиясына мәлімдеді.
Фото: zhaikpress.kz
«AMANAT» партиясы Казталов аудандық филиалының бақылау комиссиясының мүшелері, аудандық мәслихат хатшысы Сәрсенбай Молдашев, депутат Сакен Ищанов, «Ауыл айнасы» аудандық қоғамдық-саяси газетінің тілшісі Асылбек Байғазиев аудан орталығындағы Алма Оразбаева атындағы мектептің құрылымен танысты.
Қазіргі уақытта құрылыс тоқтап тұрғанымен, қажетті құрылыс материалдары уақтылы жеткізіліп отыр.
-Сот процесі аяқталды. Алдағы уақытта мектептің құрылыс жалғасып, тамыз айының басында аяқтаймыз деп жоспарлап отырмыз. Құрылыс материалдары жеткізіліп жатыр, - деді құрылыс басқармасының бас маманы.
Комиссия мүшелері мектеп құрылысының партия бақылауында болатындығын және жұмысшылардың құқығы қорғалу қажеттігін ескертті.
Бекарыс Әбіш,
Казталов ауданы
zhaikpress.kz