Қазақстан Республикасының 2015 жылғы 23 қарашадағы «Қазақстан Республикасындағы мемлекеттік қызметі туралы» Заңының 15-бабының 4-тармағына және ҚР мемлекеттік қызмет істері агенттігінің Батыс Қазақстан облысы бойынша департаментінің 2024 жылғы 27 қарашадағы келісіміне сәйкес Казталов ауылдық округі әкімінің 2024 жылғы 27 қарашадағы №55 өкімімен Ищанов Сабыржан Миржанұлы Казталов ауылдық округі әкімінің орынбасары қызметіне тағайындалды.
Аппарат басшысы Нұрсұлтан Қаримоллаұлы ұжымға Сабыржан Ищановты таныстырып, жұмысына сәттілік тіледі.
Сабыржан Миржанұлы 1988 жылы Батыс Қазақстан облысы Казталов ауданы Нұрсай ауылында дүниеге келген.
2005-2010 жылдары Ақтөбе мемлекеттік педагогикалық институтын «информатика» пәнінің мұғалімі мамандығы бойынша бітірген.
2008 жылы Тереңкөл орта жалпы білім беретін мектебінде информатика пәні мұғалімі болып еңбек жолын бастады.
2012-2014 жылдары Тереңкөл орта жалпы білім беретін мектебінің тәлімгер қызметін атқарды.
2014-2015 жылдары Тереңкөл орта жалпы білім беретін мектеп директорының тәрбие ісі жөніндегі орынбасары қызметіне ауыстырылды.
2015-2017 жылдары Тереңкөл орта жалпы білім беретін мектебі директорының міндетін атқарушы, 2017-2018 жылдары директордың тәрбие ісі жөніндегі орынбасары.
2018-2020 жылдары Тереңкөл орта жалпы білім беретін мектебінің директоры, 2020 жылдың желтоқсан айынан бастап күні бүгінге дейін Тереңкөл ауылдық округінің әкімі қызметін атқарып келді.
Жанұялы, отбасында жолдасы екеуі 4 ұл тәрбиелеп отыр.
Нұр Рахман
Казталов ауданы
