Алғыс айту күнінде Казталов ауылдық округінің әкімі Ернар Ғалымов ұзақ жылдар округ әкімі аппаратында мемлекеттік қызметте және кіші қызметкерлер қатарында еңбек еткен зейнеткерлерді айтулы мерекемен құттықтады.
Олар мемлекеттік қызмет саласының ардагерлері Марат Наукешов, Биболат Ахметқалиев және еңбек адамдары Болат Абуұлы мен Бақытжамал Зарифова.
Жастық жалыны мен қажыр-қайратын округтің дамуына жұмсаған жандар қатардан қалыс қалмай, қоғамдық жұмыстарға белсене араласып жүр.
Округ әкімі зейнеткерлердің еңбектерін елеп, арнайы алғысхатпен марапаттап, естелік сыйлық тарту етті.
Асылбек Нәсіпқали
Казталов ауданы
