Бүгін Казталов арнаулы әлеуметтік қызмет көрсету орталығында қайырымдылық айын қорытындылауға арналған «Қайырымдылық – ең ізгі қасиет» атты мерекелік шара өтті.
Мерекелік шараға орталыққа қолдау білдіріп жүрген Казталов ауданы әкімінің орынбасары Серік Қайырлиев, Казталов ауылдық округінің әкімі Ернар Ғалымов, аудандық ішкі саясат бөлімінің басшысы Айша Абешова, аудандық мансап орталығының директоры Эльмира Сармалаева, аудандық халықты жұмыспен қамтуды үйлестіру және әлеуметтік бағдарламалар бөлімінің басшысы Әлия Жақсыбаева, аудандық орталықтандырылған кітапханалар жүйесінің директоры Гүлдана Дәулетова, ауыл ақсақалы Мұқанғали Бектілеуов, қайырымдылық жасаудан жалықпаған жомарт кәсіпкерлер, орталық қызметкерлері мен қамқорланушылар қатысты.
Концерт басында көрерменнің назарына орталық қызметкерлері ұйымдастырған қайырымдылық іс-шаралары туралы шағын бейнеролик көрсетілді. Казталов арнаулы әлеуметтік қызмет көрсету орталығының директоры Сәкен Ищанов келген қонақтарға «қош келдіңіз!» айтып, әркез қолдау білдіріп жүрген жандарға алғысын жеткізді.
Шарада сөз алған аудан әкімнің орынбасары Серік Ерболатұлы қайырымдылыққа байланысты халқымыздың ізгі қасиеттеріне тоқтала келіп, орталықтың бүгінгі жұмысына оң бағасын берді.
Сонымен қатар қайырымдылыққа атсалысып жүрген аудандық мансап орталығының директоры Эльмира Сармалаева, аудандық халықты жұмыспен қамтуды үйлестіру және әлеуметтік бағдарламалар бөлімінің басшысы Әлия Жақсыбаева жылы лебіздерін білдіріп, орталыққа керемет картина сыйға тартты. Бұл шарада орталық қызметкерлері де қалыс қалмай, музыка жетекшісі Жеңіс Хасанов өз атынан орталыққа музыка әуенін ұлғайтатын заманауи музыкалық баған сыйлады.
Тамаша шара концерттік бағдаламаға ұласты. Орталық қызметкерлері қызмет алушылармен бірлесе ұйымдастырған концертте орталық қызметкерлері Қайрат Абдулов, Жеңіс Ақаев, Лиза Қожанова, Ғалия Бижанова квартет болып, «Жақсылық жасап жарысайық!» әнін орындады.
Концертте музыка жетекшісі Жеңіс Хасанов «Ауыл қарттары» әнін көрерменге тарту етсе, қызмет алушы Гүлбарам Ибрашева «Атамекен» әнін жолдады.
Нұр Рахман
Казталов ауданы
