Бүгін футзалдан Казталов ауданы әкімі кубогі жарысының ашылу салтанаты өтті.
Ашылу салтанатында сөз алған аудан әкімінің орынбасары Серік Ерболатұлы:
– Құрметті жарысқа қатысушылар! Баршаңызды келе жатқан Тәуелсіздік мерекесімен шын жүректен құттықтаймын! Тәуелсіздік бұл ата-бабамыздың қанымен жеткен жетістік. Бұл Тәуелсіздікті алу қандай қиын болса, оны сақтап қалу одан да бетер қиын! Міне, осынау Тәуелсіздік күні аясында ауданымызда ұйымдастырылып жатқан аудан әкімінің кубогіне арналған футбол жарысына баршаңызда қош келдіңіздер!, - деп барша жарысқа қатысушы командаларға сәттілік тіледі.
Аталмыш жарыстың мақсаты – аудандар арасында достықты нығайту, жарысқа қатысушылардың спорттық шеберліктерін шыңдау және бұқаралық спортты насихаттай отырып, ауданымызда футзал командасын жасақтау, одан әрі дамыту.
Жарысқа Бөрлі, Ақжайық, Жаңақала, Жәнібек, Казталов аудандарынан командалар қатысып жатыр.
Жұлдыз Асқар
Казталов ауданы
