Бүгін Казталов арнаулы әлеуметтік қызмет көрсету орталығында спорт алаңы ашылды. Бұл елбасымыздың жүргізіп отырған сындарлы саясатының айқын дәлелі. Ашылу салтанатына Казталов ауылдық окуругінің әкімі Ернар Ғалымов, аудандық арбагерлер кеңесі төрағасының орынбасары Мұқанғали Бектілеуов, Казталов арнаулы әлеуметтік орталығының директоры Сәкен Ищанов қатысты.
Қазақстан Республикасының Гимні орындалды.
Казталов арнаулы әлеуметтік қызмет көрсету орталығының директоры Сәкен Ищанов:
- Бүгін біздің арнаулы әлеуметтік қызмет көрсету көрсету орталығында футбол мен ашық аспан астында жаттығу алаңдары ашылып отыр. Жергілікті бюджеттен үнемделген ақшадан осындай алаң сыйға тартып отыр. Бұл қамкөңіл жандарға үлкен қуаныш сыйлай отырып, мүмкіндігі шектеулі азаматтарды қолдауға, олардың өздерін қоғамның бір бөлшегі ретінде сезінулеріне мүмкіндік беру, - деді сөзінде.
Футбол және ашық аспан астындағы жаттығу алаңының лентасын аудандық ардагерлер кеңесі төрағасының орынбасары Мұқанғали Бектілеуов кесті. Лента кесу рәсімінен кейін ақ дәм мен бауырсақ ұсынылды.
Бүгінде қызмет алушыларымыз республикалық және облыстық түрлі спорттық жарыстарда жақсы нәтижелер көрсетіп жүр. Атап айтсақ: Қанат Ишанқұлов Қарағанды облысында өткен волейбол жарысында облысымыздың құрама командасында ойнап, жүлделі І орынға ие болды. Ал Алпамыс Доқпанов «Үстел теннисінен» Ақтау қаласында өткен республикалық жарыста 73 спортшының арасынан оза шауып, II орынды қанжығасына байлап, облысымыздың мерейін асқақтатты. Басқада спортшыларымыз түрлі спорттық сайыстарда топ жарып, облыс көлемінде жүлделі орындарға ие болып жүр.
Арнаулы әлеуметтік қызмет көрсету орталағының қамқорланушылары екі топқа бөлініп, жаңа алаңда футбол ойнады. Музыка жетекшісі Жеңіс Хасановтың «Мен қазақтың баласы», дене шынықтыру мұғалімі Эдик Жұмасейітовтың «Мен сіздерді жақсы көремін» шырқаған әндері қатысушыларға күш-жігер берді.
Мейірім Парасат,
Казталов ауданы
