Орал қаласы дене шынықтыру және спорт бөліміне қарасты «Орал» спорт клубының құрылғанына 10 жыл толуына орай көкпардан ересектер арасында көкпардан ашық лига басталды.
Осы додада Шыңғырлау ауданының спортшыларынан құралған «Бөкенбай батыр» командасы аудан намысын қорғап жатыр. Алғашқы өткен ойындарда жерлестеріміз екі қарсыласын ойсырата ұтты. Сырым ауданының командасымен өткен ойында 11:1 есебімен жеңіске жеткенін ерекше атап өтуге болады. Жарыстың осы бәсекесінде Бекзат Сапарғалиев пен Тұрлан Серікбай үздік ойыншы атанды.
Жергілікті аудан командасын қолдау мақсатында бөлім басшысы Олжас Сейтімов, Шыңғырлау спорт клубының директоры Жұбаныш Түймешов және бөлімнің бас маманы Жәнібек Ишекенов ипподрамға арнайы келіп, ашылу салтанатына қатысты.
Дода 17 наурызға дейін жалғасып, сол күні финалдық бәсекеде мықты командалар жолығады.
Гүлжазира Асу,
Шыңғырлау ауданы
zhaikpress.kz
