Бөкей ордасы колледжінде «Кәсіптік-техникалық білім беру – келешек кепілі» атты жұмыс беруші күніне арналған дөңгелек үстел өтті. Аталмыш жиынға тиісті мекеме басшылары мен қызметкерлері, шаруа қожалық жетекшілері және жеке кәсіпкерлер қатысты.
Аталмыш жиын аудандық колледж асханасы және шеберханаларының жұмыстарымен танысумен басталды.
Колледж директоры Бағдат Лұқпановтың айтуынша қазіргі таңда аудандық колледж нарыққа шығу жолдарын қарастырып, наубайхана, автокөлік жөндеу және дәнекерлеу қызметтерін көрсетпек. Колледж шеберханалары керекті құралдармен жабдықталғаны байқалады.
Дөңгелек үстел барысында колледж шеберлері мен мұғалімдері атқарылған жұмыстарымен таныстырса, аудандық кәсіпкерлер палатасының филиалының директоры Бибігүл Жұмағұлова мен жұмыспен қамту орталығының маманы Медет Әнесов «Кәсіпкерлікті қолдау бойынша мемлекеттік бағдарламалар», «Менің алғашқы жұмыс орным» атты жобалармен, басқа да тиімді бағдарламалармен таныстырып өтті.
Сонымен қатар Бибігүл Жұмағұлова Worldskills Kazahstan 2023 чемпионатында белсінділік танытқан үшін бірқатар колледж қызметкерлерін БҚО кәсіпкерлер палатасының директоры Нұржан Мақсотовтың алғысхатымен марапаттады.
Жиын соңында «Маркетинг» мамандығы бойынша дуальды оқыту жүйесіне көшу мақсатында меморандумға қол қойылды.
Еркебұлан Рахметолла,
Бөкей ордасы ауданы
zhaikpress.kz
15.09.2023, 19:54
28.02.2023, 16:15
21.11.2022, 16:30
3.11.2022, 13:00
