Бүгін теректіліктер аудан әкімдігінің алаңында Жаңа жылды қарсы алды.
Ең алдымен, барлық тұрғын мәдениет үйінің өнерпаздары дайындаған театрланған қойылымды тамашалады. Содан соң ескі жыл Барыс, жаңа жыл Қоян, Аяз ата және Ақшақармен шыршаны айнала би биледі.
Аяз ата тақпақ айтқан бүлдіршіндерге, әдемі киінген тұрғындарға арнайы сыйлықтарын табыстады. Аудан әкімі Тілек Габдушев жерлестерін Жаңа жылмен құттықтап, денсаулық пен табыс тіледі.
Мерекеде ғимараттарын әдемі безендірген ұжымдар да назардан тыс қалмады. Атап айтсақ, Достық үйі, білім беру, жұмыспен қамту және әлеуметтік бағдарламалар бөлімдері, денешынықтыру және сауықтыру кешені, «О market», «Марина» дүкендерінің ұжымдарын «Amanat» партиясы аудандық филиалының атқарушы хатшысы Мирхат Ибраев марапаттады.
Жаңа жылдық лотерея ойынына қатысып, сыйлық ұтып алған теректіліктер мерекелік отшашуды тамашалап, көтеріңкі көңіл-күйде үйді-үйіне тарасты.
Аягөз Айтқалиева,
Теректі ауданы,
zhaikpress.kz
