Қазақстан Республикасы Орталық сайлау комиссиясының мүшесі Шавхат Өтемісов жұмыс сапарымен Сырым ауданына келді.
Сапар кезінде Сырым аудандық аумақтық сайлау комиссиясының төрағасы Жолдыбай Батырниязов ағымдағы жылда атқарылған жұмыстарды баяндады.
Жолдыбай Жанатауұлының сөзіне сүйенсек, бүгінгі таңда ауданда 220 комиссия мүшелерінен құралған бір аудандық аумақтық, бір облыстық округтік, он бір аудандық округтік, 29 учаскелік сайлау комиссиялары жұмыстануда.
- Комиссия мүшелерінің сайлау өткізуде білімдері мен біліктіліктерін арттыру мақсатында бірнеше рет оқытулар өткізілді. Комиссиялар ағымдағы жылдың наурыз айында Парламент мәжілісі мен мәслихаттар депутаттарының сайлауын шілде, қыркүйек айларында Қособа және Шолақаңқаты ауылдық округтерінің әкімдерінің сайлауларын өткізіп, сайлауларды заңнамалар талаптарына сай ұйымдастыра білді. Сайлауларда кандидаттардың сенім білдірген адамдары мен байқаушылар тарапынан заң бұзушылықтар туралы арыз-шағымдар түспеді, - дейді Жолдыбай Батырниязов.
Шавхат Өтемісов сайлау комиссияларының жұмысын үйлестіруде ұсыныс пікірлерді тыңдап, алдағы уақытта да сайлау комиссиялар жұмысын жетілдіру бойынша қолдау білдіретінін жеткізді.
Айжан Амангелдина,
Сырым ауданы
zhaikpress.kz
