Бүгін Теректі ауданы әкімі Әлия Мұханбетжанова алтын құрсақты анамен кездесті.
Альбина Тұрсынбекқызы – Шаған ауылдық округының тұрғыны. Қазіргі таңда алты бала тәрбиелеп отырған көпбалалы ана.
Ел демографиясының өсуіне үлес қосып жүрген батыр ана «Күміс алқа» төсбелгісімен марапатталды. Төсбелгіні табыстаған аудан басшысы Әлия Биғазықызы ұрпақ тәрбиелеудің маңызы туралы сөз қозғап, батыр анаға ақ тілегін білдірді.
— Мемлекетіміз әрқашан отбасылық құндылықтарды жоғары қойған. Әсіресе, алтын құрсақты аналарды халқымыз ерекше қадірлейді. Отбасының алтын діңгегі болып, бүлдіршіндеріңізді ұлтқа қызмет ететін азамат қылып тәрбиелей беріңіз. Деніңізге саулық, отбасынызға амандық тілеймін, – деді аудан әкімі.
Кездесуге қатысқан округ әкімі Ербол Исеев те өз алғысын білдірді.
Жауһар Нұрым,
Теректі ауданы
zhaikpress.kz
