23 маусым - Мемлекеттік қызметшілер күніне орай Казталов ауданының әкімі Асланбек Сарқұлов ардагер мемлекеттік қызметкерлермен кездесу өткізіп, саланың дамуына өзіндік үлес қосқан ардагерлерге құрмет көрсетті.
Кездесу барысында аудан басшысы ардагерлерді кәсіби мерекемен құттықтап, ұзақ жылдар бойы мемлекет пен халық мүддесіне адал қызмет еткендерін атап өтіп, жылы лебізін білдірді.
Еркін форматта өткен кездесуде ардагерлер еңбек атқарған жылдарындағы естеліктерімен бөлісіп, өздерінің ұсыныс-пікірлерін де білдірді.
Шара соңында ардагерлерге гүл шоқтары мен естелік сыйлықтар табысталып, құрмет көрсетілді. Ұрпақ сабақтастығы мен еңбекті бағалаудың айғағы ретінде бұл шара есте қалды.
Гүлнұр Бөлешова,
Казталов ауданы
