23.05.2022, 18:18
Оқылды: 97

Мәдениет қызметкерлеріне құрмет көрсетілді

Бүгін Шыңғырлау аудандық мәдениет үйінде Мәдениет және өнер қызметкерлері күніне орай салтанатты шара ұйымдастырылды.

6AF0B430-9904-48D2-B71B-744EFA1951BD

Мерекелік кеште аудан әкімі Әлия Мұханбетжанова рухани байлықты дамытуда және мәдени дәстүрлердің дамуы мен сақталуына үлес қосқан мәдениет саласы қызметкерлерін төл мерекелерімен құттықтап, өнеріміздің көкжиегін кеңейтіп жүрген өнер адамдары мен сала қызметкерлеріне алғысхаттар табыс етті. Ең алдымен, аудан басшысы Батыс Қазақстан облысының әкімі Ғали Ескалиевтың атынан  «Үздік мәдениет қызметкері» төсбелгілерін аудандық мәдениет үйінің директоры Г.Жұмағазиева мен аудандық мәдени-демалыс орталығының әдіскері Қ.Жұбаниязоваға табыс етті. Сонымен қатар Қазақстан салалық мәдениет, спорт, туризм және ақпарат қызметкерлерінің кәсіптік одағы, қоғамдық бірлестігінің төрайымы С.Иманқұлованың Құрмет грамотасын, Батыс Қазақстан облысы әкімінің орынбасары Б.Нарымбетовтың, аудан әкімінің және мәдениет пен кітапхана саласына жетекшілік ететін басқарма басшыларының алғысхаттарымен бірқатар мәдениет саласының қызметкерлерін, тіпті осы салада ұзақ жылдар бойы қызмет еткен, бүгінде зейнеткерлік демалыстағы ардагерлерін де марапаттады.

2D59F2C2-988D-4A28-988A-62429B05C569

Салтанатты шарада рухани байлығымызды, мәдениетімізді ұрпақтан-ұрпаққа жеткізуші - зиялы қауым өкілдерінің құрметтеріне жылы лебіздер айтылып, концерт қойылды.

 Аман Ізмұхан,

Шыңғырлау ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале