Халықаралық театр күніне орай аудандық Халықтық театр ұжымы көрермен назарына «Махаббат па...?» атты музыкалық-поэтикалық қойылымын ұсынды.
Жергілікті жастардан құралған актерлер сахнада шеберлік танытып, көпшіліктің көңілінен шықты. Қойылым әртүрлі әдеби шығармалардың жанры мен өмірде болған оқиғалар негізінде жасалған. Жарты сағатқа жуық уақыт ішінде актерлер махаббат тақырыбын тереңнен қозғауға тырысып, көрерменге ой саларлық әсерлі көріністерді ұсынды. Қойылымға 15-тен астам жас актер қатысып, өз өнерлерін паш етті. Аудандық мекемелерде қызмет ететін жастардан құралған Халықтық театр ұжымы өздерінің дарыны мен талпынысын дәлелдеді.
Қойылым аяқталған соң аудандық мәслихат төрағасы Жанар Бисенғалиева сөз алып, театр ұжымын кәсіби мерекелерімен құттықтап, әсерлі қойылым ұйымдастырғаны үшін актерлерге алғыс білдірді.
Болат Бек,
Тасқала ауданы
