«Бөкей ордасының құрметті азаматы», ҚСРО денсаулық сақтау ісінің үздігі», 2006-2018 жылдар аралығында Бөкей ордасы аудандық ауруханасының бас дәрігері қызметін атқарған ақ халатты абзал жан, бүгінде облыстық ардагерлер кеңесінің төрағасының орынбасары Әділгерей Ғаббасов ағамыздың 70 жылдық мерейтойына арналған «Антына адал абзал жан» атты кездесу кеші өтті.
Сұхбат түрінде өрбіген кештің тізгінін ардагерлер кеңесінің төрағасы Тілеген Арыстанбеков ұстады.
Шара барысында Әділгерей ағамыз жастық шағының естеліктерімен бөлісіп, жас дәрігерлерге деген кеңесін де айтты.
Бұл кеште тек ән шырқалып, би биленіп қана қоймай, көрермендер де мерейтой иесіне алғыстарын білдірді.
Өз кезегінде аудан әкімінің орынбасары Мейрамбек Аққалиев ата дәстүрімізбен Әділгерей ағамызға шапан жауып, тұлпар мінгізді.
Аудандық аурухана директоры Анарбек Белисанов пен аудандық мәслихат аппаратының басшысы Ержан Айтқалиев сөз алып, сыйлықтарын табыс етті.
Еркебұлан Рахметолла,
Бөкей ордасы ауданы
zhaikpress.kz
