Шыңғырлау ауданы Л.Қылышев атындағы мектепте кезекті соңғы қоңырау салтанаты өтті. Салтанатты жиынды мектеп директоры Гүлнар Бисенғалиева ашып, оқушылар мен ата-аналар алдында сөз сөйлеп, жиналған жұртшылықты мерекемен құттықтады. Сондай-ақ, биылғы жылы мектеп бітіргелі отырған түлектерден екі оқушы «Алтын белгіге», ал тағы бір оқушы «Үздік аттестатқа» үміткер ретінде тіркелгендігін мақтанышпен атап өтті. Мектеп қабырғасынан ұшқалы отырған түлектерге ақ тілегін арнады.
Үздік оқушылар алға шығып, мектеп алаңындағы Л.Қылышев ескерткішіне гүл дестесін қойып, құрмет көрсетілді. Оқу жылын үздік бітірген барлық сынып оқушыларының аты-жөндері аталып, ортаға шықты.
Соңғы қоңырау салтанатында аудан әкімі Әлия Мұханбетжанова және аудандық білім беру бөлімінің басшысы Қуаныш Есенов сөз сөйлеп, мектеп бітіруші түлектерге сәт сапар тіледі.
Жүректері лүпілдеген 11 сынып оқушылары мерекелік жиында қоштасу әндерін шырқап, мектеп вальсін биледі.
Аспанға шар ұшырып, соңғы қоңырауды соңғы рет соғып, ұстаздарына алғыс сезімдерін білдірді.
А.Мұса,
Шыңғырлау ауданы
zhaikpress.kz
