Казталов аудандық жастармен жұмыс жөніндегі ресурстық орталығының және «Айқын» спорт клубының ұйымдастыруымен «Садақ ату» спорт түрінен ұлдар және қыздар арасында іріктеу турнирі өтті.
Жарыста 11-12 тамыз күндері облыстық «Жайық жастары» фестиваліне қатысатын спортшыларды анықталды.
Турнирге жастар белсенді қатысып, 20-дан астам спортшы бақ сынады.
Ұлдар арасында 15 метр қашықтықтан, қыздар 10 метр қашықтықтан нысананы дәлдеді.
Жарыс қорытындысы бойынша ұлдардан Есен Жаннатов және қыздар арасынан Гаухар Маратова үздік деп танылып, бас жүлдені иеленді.
Жүлдегерлер арнайы дипломдар және естелік сыйлықтармен марапатталды.
Асылбек Нәсіпқалиұлы,
Казталов ауданы
zhaikpress.kz