Бәйтерек аудандық тарихи-өлкетану музейінде партия филиалдары төрағаларының және өкілдерінің қатысуымен, Елбасының төрағалығымен өткен кездесу қорытындысы бойынша «Nur Otan» партиясы Бәйтерек аудандық филиалының актив жиналысы өтті.
Актив жиналысына саяси кеңес мүшелері, аудандық мәслихат депутаттары-фракция мүшелері, бастауыш партия ұйымдарының төрағалары, партия ардагерлері мен белсенділері, мемлекеттік орган басшылары, «Jas Otan» жастар қанатының белсенділері, БАҚ өкілдері қатысты.
Актив жұмысына «Nur Otan» партиясы Бәйтерек аудандық филиалының төрағасы Асхат Шахаров төрғалық етті.
- Құрметті активке қатысушылар! Қазақстанда 2012 жылдан бері – Қазақстан Республикасының Тұңғыш Президенті күні мемлекеттік мерекесі аталып өтілуде.
Аталған күн кездейсоқ таңдалып алынбаған. Дәл осы күні 1991 жылдың 1 желтоқсанында қазақстандықтардың таңдау жасап, дауыс беру кезінде Нұрсұлтан Әбішұлы Назарбаев жеңіске жетті.
Тәуелсіз Қазақстанның қалыптасуынан бастап, мемлекеттік дамудың даңғылға түсуі жолындағы жұмыстардың басымы Н.Ә.Назарбаевтың есімімен тығыз байланысты. Ерлігімен ұштасқан дүниелер екені даусыз.
Республиканың Тұңғыш Президентінің жетекшілігімен кең ауқымды экономикалық, саяси және әлеуметтік реформалар жүзеге асырылды. Қазақстан мемлекеттілігінің негізін қалаушы – Елбасы Н.Ә.Назарбаев халықты жарқын істерге жұмылдыру, қоғамдағы татулық пен келісімді нығайту, бүкіл халықаралық қоғамдастықтың ризашылығы мен құрметіне ие болған жаһандық және өңірлік бейбіт бастамалардың авторы ретінде елдің сыртқы саяси бағытын дәл айқындау ісіне орасан зор үлес қосты. Тұңғыш Президенттің жан-жақты сараланған ішкі және сыртқы саясатының арқасында еліміз саяси және әлеуметтік-экономикалық сілкіністерге ұшырамай, дербес дамудың өтпелі кезеңіндегі қиындықтар мен сынақтарды еңсеріп, ілгерілеу мен өркендеу жолына шықты.
«Nur Otan» партиясының ағымдағы жылдың 21 тамызында өткен кеңейтілген саяси кеңесінде Елбасы, партияның төрағасы Н.Ә.Назарбаев «Сенім. Диалог. Болашаққа нық қадам – «Nur Otan» партиясының 7 серпіні» атты бағдарламасын ұсынған болатын. Міне, қазір жүргізіліп жатырған «партияны қайта жүктеу» жұмыстары, осы бағдарламадан бастау алып отыр.
Бәйтерек аудандық партия филиалында өз жұмыстарын жаңғырту бағытында біркелкі жұмыстар атқаруда.
Түйткілді мәселелерді шешуде партия жанынан құрылған депутаттық фракция мақсатты жұмыстар атқарылуда. Мәслихат депутаттары өздері сайланған округтерде ашық қоғамдық қабылдаулар өткізіп, түрлі акцияларға белсенді қатысып, әлеуметтік желілерде өз белсенділіктерін байқатуда.
Партияның «қайта жүктеу» тапсырмасына сәйкес әлеуметтік желілерде фракция мүшелерінің, партия белсенділерінің жеке парақшалары ашылып, өз сайлаушыларының көкейінде жүрген сауалдарын тыңдап, бірлесе шешуге мүмкіндік алып отыр.
Барлық бастауыш партия ұйымдарында Елбасы, партияның төрағасы Н.Ә.Назарбаевтың «Сенім. Диалог. Болашаққа нық қадам – «Nur Otan» партиясының 7 серпіні» атты бағдарламасын талқылап, түсіндіру жұмыстары жүргізілді, - деді аудан басшысы А.Шахаров.
Одан соң «Nur Otan» партиясы Бәйтерек аудандық филиалы төрағасының бірінші орынбасары Тілекбай Төлепқалиев,
аудандық мәслихат хатшысы Рамазан Исмағұлов сөз сөйледі.
Актив жұмысын қорытындылаған «Nur Otan» партиясы Бәйтерек аудандық филиалы төрағасы Асхат Берлешұлы:
- Партия төрағасы Н.Ә.Назарбаев «Nur Otan» партиясы қоғамымыздың бүкіл әр алуандығын паш етеді. Біз – барша Қазақстан халқының партиясымыз. Біз – ел болашағына жауапты нақты істер партиясымыз. Қазақстанның өркендеуіне қатысты нық көзқарасымыз бар. Нақты стратегия және жұмыс жоспарлары бекітілді. Қажетті ресурстар қарастырылған» деген болатын өзінің кешегі өткен жиындағы қорытынды сөзінде. Сондықтан да құрметті партияластар елімізде атқарылып жатырған жарқын істердің басында «Nur Otan» партиясы тұрғандығын қарапайым халыққа үнемі түсіндіріп отыруымыз керек, - деді.
Актив қорытындысында партияластарға, активке қатысушыларға тапсырмалар жүктелді.
Ертай Бимұханов
суреттерді түсірген Сәлім Мәмбетәлиев
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
