Жуырда Орал қаласында үстел теннисінен 2005-2008 жылы туған және одан кіші жасөспірім ұлдар мен қыздар арасында облыстық чемпионат өтті.
Чемпионатқа Казталов, Бөрлі, Қаратөбе, Бәйтерек, Жәнібек аудандарынан және Орал қаласынан спортшылар жекелей және командалық додаға қатысып, бақтарын сынады.
Жарысқа Жәнібек аудандық балалар-жасөспірімдер спорт мектебінің спортшылары да қатысқан болатын. Жарыстың қорытындысында 2005 жылы туған ұлдар мен қыздар жалпыкомандалық есепте III және II орынды иемденсе, ал 2008 жылы туған ұлдар жалпыкомандалық есепте III орыннан көрінді. Сонымен қатар жекелей біріншілікте Талғар Бекетов жүлделі I орынды қанжығасына байлады.
Лаура Халина,
Жәнібек ауданы
zhaikpress.kz
