Бәйтерек ауданына Қазақстан мұсылмандары діни басқармасының БҚО бойынша өкіл имамы Мұратбек Қыстаубаев келді.
Өкіл имам алдымен аудан әкімі Асхат Шахаровтың қабылдауында болып, өңірдің діни ахуалы, қоғамдағы діннің рөлі және діни бірлестіктер жұмысын жетілдіру жайын талқылады.
Одан әрі Мұратбек Мұхтарханұлы мен облыстық мешіттің іс басқарушысы Әлімхан Тұрлыбеков аудандық тарихи-өлкетану музейінде жұртшылықпен кездесті.
Аудан әкімінің орынбасары Көпжан Тұрлыбековтің төрағалығымен өткен басқосуда дін тазалығы, дінге қатысты заң нормаларының сақталуы, жастар тәрбиесі, ата-анаға құрмет білдіру, елдік мақсатқа үлес қосу жайында әңгіме болды.
Тақырыпқа орай пікір білдірген аудандық мәслихат хатшысы Рамазан Исмағұлов қоғамдағы толеранттылық қағидатына тоқталды.
Ертай Бимұханов
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
