С.Садықов атындағы аудандық мәдени-демалыс орталығында Қазақстан Республикасы полициясының құрылғанына 31 жыл толуына орай салтанатты жиын өтті. Салтанатты шараға аудан әкімінің орынбасары Зәйлім Мәжитова, сала ардагерлері мен қызметкерлері қатысты.
Салтанатты жиында аудан әкімінің орынбасары Зәйлім Исатайқызы ауданымыздың полиция қызметкерлерін айтулы мерекемен құттықтап, жылы лебізін білдірді. Сонымен қатар ауданымыздың құқық қорғау саласында, халықтың қауіпсіздігін қамтамасыз ету мақсатында еңбек етіп жүрген бірқатар полиция қызметкеріне аудан әкімінің алғыс хатын табыстады. Ал Казталов ауданының полиция бөлімінің бастығы, полиция подполковнигі Тимур Бисенов әріптестеріне БҚО Полиция департаменті бастығының, департаменттің ардагерлер кеңесінің алғыс хаттарын табыстап, өз атынан бірқатар маманды алғыс хатпен марапаттады.
Бүгінгі мерекелік жиында кеудесіне төсбелгі тағып, шені жоғарылаған азаматтар да болды. Атап айтар болсақ, Казталов ауданының полиция бөлімі, жергілікті полиция қызметі бөлімшесінің учаскелік полиция инспекторы, полиция майоры Нұркен Қалманов, сала ардагерлері Қуат Байдуллин, Бекжан Әлімов «Қазақстан полициясы» төсбелгісімен марапатталса, Аят Ғалиасқаров және Ернар Қалимоллин «полиция аға лейтенанты» кезекті арнаулы атағын алды.
Мерекелік жиында ауданымыздың мәдениет саласының майталмандары патриоттық әндер шырқады.
Асылбек Нәсіпқали,
Казталов ауданы
zhaikpress.kz