Жаңақала аудандық мәдениет, тілдерді дамыту, дене шынықтыру және спорт бөліміне қарасты Жаңақала аудандық мәдени-демалыс орталығының ұйымдастыруымен аудан көркемөнерпаздары және басқа сала қызметкерлердің қатысуымен көптен күткен ретро ән кеші өтті.
Бұл шарада махаббатқа толы, сырлы жастық шақты еріксіз көз алдына әкелетін сүйікті әндер шырқалды.
«Retro fest Janaqala» ән кешінде аудандық мәдени-демалыс орталығы әншілері басқа сала мамандарымен өнер көрсетіп, көпшіліктің қошеметіне бөленді.
Шара барысында ойындар ойнатылып, түрлі сертификаттар табыс етілді.
Концертке жиналған аға буын өкілдері жастық шақты еске алып, ретро әндерді бірге қосылып шырқады.
Аруғаным Қазиева,
Жаңақал ауданы
zhaikpress.kz
