Бәйтерек ауданына қарасты Рубежка ауылында 2007-2012 жылдар аралығында туған жеткіншектер арасында қазақ күресінен аудандық турнир өтті.
Жастар арасында салауатты өмір салтын қалыптастырып, ұлттық спортқа деген қызығушылықты арттыру мақсатында ұйымдастырылған осынаужарысқа ауданның 9 округінен 140 жас палуан қатысты. Турнирдің ашылу салтанаында сөз алған Рубежка ауылдық округінің әкімі Манарбек Әжкенов қатысушыларға сәттілік тілеп, жүрекжарды лебізін білдірді.
Жеңіс үшін барын сала күрескен қарадомалақтардың бәрі мақтауға лайық, қимылдары да ширақ, айла-тәсілдері де көңілге қонымды. Сонымен 20 келі салмақта Бекнұр Ғұсманов, 23 келі салмақта Нұрбол Кабулбаев, 32 келі салмақта Айдын Қорғанов, 23 келі салмақта Мерхан Шамшитов, 26 келіде Саят Мұрат, 35 келіде Диар Мақсот, 26 келіде Ерасыл Есмағамбетов, 35 келіде Алдияр Елеусін, 38 келі салмақ дәрежесінде Дамир Адиатоллаев, 50 келіде Дияс Мақсот, 29 келіде Мәди Темірғали, 46 келіде Дияс Асылан, 35 келі салмақта Ернұр Жаншуақов, 38 келі салмақта Нұрсұлтан Өтебалиев, 42 келі салмақ дәрежесінде Ерназ Есқалиев, +50 келі салмақта Руслан Сабыров, 29 келі салмақта Серікжан Жақсылық сынды спортшылар жеңімпаз атанды.
Жеңіс тұғырынан көрінген жүлдегерлерге ауыл әкімі Манарбек Малкенжарұлы арнайы медальдар мен дипломдар табыстады
Ал енді жалпы командалық есепке келер болсақ, бірінші орынды Трекин, екінші орынды Рубежка, үшінші орынды Переметный ауылдық округі еншіледі.
Гүлжан Аязбаева
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
