Аңқаты ауылдық округіне қарасты Рыбцех ауылына көгілдір отын келді. Бұл — ауыл тұрғындары үшін көптен күткен қуаныш.
Айта кетейік, көгілдір отын тарту жұмыстарын «Alash-D.A.D» ЖШС директоры Ерлан Никешов қолға алған болатын. Жалпы, жоспар бойынша 13 үйге газ тарту жұмыстары басталды, бүгінгі таңда 11 үйге көгілдір отын қосылды.
Ауыл тұрғыны, көпбалалы әке Аслан Қожахметовтың қуанышы қойнына сыймай жүр.
– «Ауыл—алтын бесік» демекші, қазіргі уақытта ауылда жиырмаға тарта үй қалды. Сонда да көгілдір отынның келгені қатты қуантты. Көзімізді ашқалы күл алып, от жағып келеміз. Әрине, ауыл сонысымен жақсы ғой, бәрі табиғи. Дегенмен, өркениетті ел болған соң барлығын көру керек, жылумен бірге жанымыз да шаттыққа кенелуде, - дейді Аслан Русланұлы.
Балнұр Қанаева,
Теректі ауданы
zhaikpress.kz
