Мамырдың 13-14-і күндері Ресейдің Орынбор қаласында дзюдодан жасөспірімдер арасында Еуразия-2023 кубогы өткен болатын. Байрақты бәсекеде Еуразияның әр түкпірінен жүздеген дзюдошы бақ сынады.
Ел намысын қорғағандар ішінде Бәйтерек ауданы БЖСМ-нің спортшысы Сәбина Құлымбетова 70 келі салмақ дәрежесінде сынға түсіп, алтын жүлдеге ие болды.
Айта кетейік, Сәбина Дариян ауылында туып-өскен. Қазір Орал қаласындағы мамандандырылған спорт интернатында оқып жатыр. Спортпен бірнеше жылдан бері айналысып келе жатқан ол - дзюдо мен самбо күресінен спорт шеберіне үміткер.
Нұрсәуле Әбілпейсова,
Бәйтерек ауданы
