Переметный ауылында «Бірмандаттық аумақтық сайлау округтері бойынша мәслихаттар депутаттарының сайлауын өткізуде округтік сайлау комиссияларының қызметін ұйымдастыру» тақырыбында семинар-кеңес өтті.
Бәйтерек аудандық аумақтық сайлау комиссиясының ұйымдастыруымен өткен жиынға ауданда құрылған 13 сайлау округтерінің мүшелері қатысты. Семинарда аудандық аумақтық сайлау комиссиясының төрағасы Р.Ихласов, төраға орынбасары Б.Нығметов, комиссия мүшесі Т.Дощанов қатысушыларға алдағы сайлаудың маңыздылығы мен жаңашылдығы туралы айтты.
Сондай-ақ сайлау округтері мүшелерінің өкілеттіліктері, кандидаттар мен олар сенім білдірген өкілдердің құжаттарын қабылдау және тіркеу, мекемелермен байланыс және тағы басқа мәселелер жан-жақты талқыланды.
Қуаныш Қали,
Бәйтерек ауданы
zhaikpress.kz
