Теректі ауданына қарасты Ақсуат селолық округ бойынша жалпы 1841 сайлаушы бар. Ақсуат ауылындағы №352, Пойма ауылындағы №350, Магистарльный ауылындағы №354, Әйтиев ауылындағы №381 учаскелер қызу жұмыс үсінде.
Ақсуатта 729, Поймада 546, Магистральныйда 420, Әйтиевте 120 сайлаушы дауыс береді деп күтілуде. Округ бойынша мүмкіндігі шектеулі 11 адам бар. Оның үшеуі үйден дауыс бермек. Студенттер саны — 35.
— Дәл қазір дауыс саны 144-ке жетті. Ең алғаш болып ауыл тұрғыны Әділ Қалмағамбетов дауыс берді. Айта кетейік, бүгінгі сайлау күнімен ауыл тұрғыны Гаусарья Әубәкірованың туған күні тұспа-тұс келген екен. Алпыс бес жасқа толған сайлаушы өз таңдауын жасады. Біз де мерейтойын иесін құттықтап, жылы лебіз білдірдік, -дейді №352 учаскенің төрағасы Ержан Құрманов.
Айшабибі Мәмет,
Теректі ауданы
zhaikpress.kz
