Бүгін Шыңғырлау ауданында 9 мамыр – Ұлы Жеңістің 79 жылдығына арналған мерекелік шеру өтті. Салтанатты шараға қатысқан ауданның құрметті ардагерлері, тыл еңбеккерлері, аудан тұрғындары ерлікпен қаза тапқан жауынгерлерді үнсіздікпен еске алып, рухына тағзым етті.
Ауданның құрметті азаматы, «Ардагерлер ұйымы» қоғамдық бірлестігінің төрағасы Сабырғали Сәмиев сөз сөйлеп, жерлестерін мерекемен құттықтады. Кейін “Даңқ” ескерткішіне гүл шоқтары қойылып, батырлар рухы ұлықталды.
Шыңғырлау ауданының барлық мекеме, бөлімдерімен қатар ауыл тұрғындары да ескерткіш жанына жиналып, гүл шоқтары арқылы өз құрметтерін көрсетіп жатты.
Шеру мерекелік концертке жалғасып, шыңғырлаулықтар "Жеңіс" деп қосыла шырқады.
Гүлжазира Асу,
Шыңғырлау ауданы
