Шыңғырлау ауданында «Жыл қорытындысы – 2023» — жылдың үздік спортшыларын марапаттау рәсімі өтті.
Биылғы жылды қорытындылай келе, аудан спортының дамуына елеулі үлес қосқан мамандар, сала ардагерлері мен демеушілер марапатталды.
Аудан әкімі Мұрат Амангелдіұлы құттықтау сөз сөйлеп, үздіктерге марапаттарын табыстады. Адал қызмет етіп, қажырлы еңбегімен ұлттық спортты дамытып жүрген бірқатар спорт саласының үздіктері аудан әкімінің алғысхаттарымен марапатталды.
Александр Пятин «Үздік зейнеткер спортшы», Сағат Шагиров «Үздік ардагер спортшы», Адақ Шотпанов «Үздік спортшы-тілші» аталымына ие болды. «Үздік меценат» номинациясы бойынша қолдау білдіріп, демеушілік көрсетіп жүрген спорт жанашырлары Рамазан Камзаев, Уразбай Усмангалиев, Ильдар Ишгалиев, Мирболат Тасмағамбетов марапатталды.
«Үздік көкпаршы», «Үздік жаттықтырушы», «Үздік команда» сынды басқа да номинациялар лайықты иелеріне табысталды.
Сондай-ақ, Мирболат Тасмағамбетов, Санат Кумашев, Төлеген Түймешов демеушілік етіп, республика көлемінде аудан атын шығарып жүрген жас спортшыларымыз Алдияр Саин, Архат Өтеген, Бекзат Сапарғалиға шапан жауып, ат мінгізді.
Осылайша спорт саңлақтарының еңбектері еленіп, мерейлері үстем болды.
Гүлжазира Асу,
Шыңғырлау ауданы
zhaikpress.kz
