Бөрлі ауданында жылды қорытындылаған спортшылар балы өтті.
Биыл атқарылған спорттық шаралар туралы баяндалған бейнероликпен басталған шара, спортшылардың дайындаған әдемі биіне жалғасты.
Аудан әкімі Миржан Сатқанов қатысушыларды жаңа жылмен құттықтады. Сонымен қатар ауданның спорт саласының деңгейі жоғары екендігін тілге тиек етті.
Аудан әкімінің алғыс хаты Айда Давутова, Азамат Наурызалиев, Риза Сүлейменова, Арайлым Қанатова, Гаухар Ирмағамбетова, Теміржан Көлбаев, Абылай Сүлейменов, Көркем Едгеева, Сайлан Матылов, Анастасия Панасович, Айдана Сұлтанова, Татьяна Тарабрина, Орынбасар Ишманов, Аружан Италиева, Сара Айтасова есімді спортшыларға берілді.
БҚО дене шынықтыру және спорт басқармасының басшысы Әсия Аманбаеваның атынан Айнұр Құрманқұова, Айша Жүрекенова, Майра Сарқұлова, Эльвира Әбішова, Любовь Сабыралиева есімді спортшыларға алғыс хат табыс етілді.
Мәслихат хатшысы Әділхан Куликешев биыл спорт саласының дамуына үлес қосқан «Fiesta» және «Спортик» спорттық тауарлар дүкендеріне, «Будни Аксая» , Бөрлі жаршысы» газеттерінің ұжымдарына, «Аксай Кум», «АқсайМаркет» , «Өрнек», «АксайСтрой Сервис и К», «Бизнес Строй» ЖШС-ға, жеке кәсіпкерлік «Аманбаеваға» алғыс хаттарын ұсынды.
Ауылдық округтер арасында спартакиада қорытындыланды. Екінші және үшінші орынды Кеңтүбек және Бумакөл ауылдық округтері қанжығаласа, жүлделі бірінші орынды Бөрлі ауылы иеленді. Қала мекемелері арасындағы бәсекеде қалалық №3 мектепке тең келері болған жоқ. Жүлделі екінші орынға қалалық №1 мектеп, үшінші орынға №5 мектеп тұрақтады. 22 команда қатысып, мықтылар анықталған мектеп оқушылары мен колледж студенттері арасындағы спартакиаданың қорытындысы шығып, жеңімпаздар марапатталды. Үшінші орын қалалық №4 мектепке бұйырса, екінші орынды қалалық №5 мектеп алды. Өздерінің мықтылықтарын танытып, жүлделі бірінші тұғырға қалалық №3 мектеп шықты.
Аудандағы спорт түрлерінің дамуына елеулі үлес қосып жүрген Бөрлі ауданының футбол федерациясы, «Сұңқар» тхэквондо спорт клубы, Бөрлі ауданының бокс федерациясы, Бөрлі ауданы пауэрлифтинг федерациясы, Бөрлі ауданының еркін күрес және грек-рим федерациясы, «Шито-рю каратэ-до және қылыштасу бойынша БҚО федерациясы», «Бейбарыс» және «Шахмат» , «Ивасикай» каратэ спорт клубтары да марапаттан тыс қалған жоқ.
Жылдың үздіктері де анықталды. Есенгелді Дарханов «Үздік спорт насихаттаушы зейнеткер», Гудабай Калпаков «Үздік зейнеткер спортшы», №1 мектептің директоры Мерген Абдиров «Спортты қолдаушы үздік мектеп директоры», бумакөлдік Берік Мукашев «Үздік жаттықтырушы» деп танылды. Ақбұлақтық Ержан Утеғалиев «Үздік спорт әдіскері», «Бөрлі жаршысы» газетінің тілшілері Мария Пирог пен Мейрамбек Сыдықов «Үздік спорт тілшісі» аталымдарын қанжығалады. Алтын Макажанова, Қайрат Сембиев, Гүлмира Мамбетиярова «Спорт саласының үздік техникалық қызметкері» аталымымен марапатталды.
Жанаргүл Байғанатова
Бөрлі ауданы
zhaikpress.kz
Батыс Қазақстанның маңызды жаңалықтарын біздің Instagr am-дағы парақшамыздан және Telegram арнамыздан алғашқы болып біліңіздер
