Кеше Казталов ауылында «Compliment» сұлулық салонының ашылу салтанаты өтті. Ашылу салтанатына Казталов ауылдық округінің әкімі Ернар Галимов, бөлім, мекеме басшылары және ауыл тұрғындары қатысты.
Салонының ашылу салтанатында сөз алған Казталов ауылдық округінің әкімі Ернар Галимов кәсіпкерлік саласына қадам басқалы отырған Мейрамгүл Негметуллинаға сәттілік тілеп, жаңа кәсібінің ашылуымен құттықтады.
Аудан тұрғындары мен қонақтарына сапалы әрі қолжетімді қызмет түрлерін көрсетуді мақсат тұтқан салонның лента қию рәсімі ауыл әкімі Ернар Галимов пен ардагер ұстаз Аққойсын Жұмашеваға ұсынылды.
Көрінісі көз тартар салонның ашылу салтанатына орай шашу шашылып, қонақтар мен тұрғындар арнайы дайындалған мәзірден дәм татты. Заманауи жабдықтармен жабдықталған, жап-жарық сұлулық салоны алдағы уақытта нәзік жандылар үшін көптеген қызмет түрлерін ұсынбақ.
«Еңбегіне қарай өнбегі» демекші, табанды еңбегінің арқасында кәсібінің нәсібін көруді көздеген Мейрамгүл Қанатқызының кәсіпкерлік саласына аттаған қадамы сәтті болып, «Compliment»-тің көптің көңілінен шығарына сеніміміз мол.
Жансая Жұмажанқызы,
Казталов ауданы
zhaikpress.kz
