Аудан чемпионаты өз мәресіне жетті
16 Қазан 2021

Аудан чемпионаты өз мәресіне жетті

1991 жылғы түлектер тарту жасады
15 Қазан 2021

1991 жылғы түлектер тарту жасады

Pfizer екпесі ревакцинация кезінде қолжетімді бола ма?
15 Қазан 2021

Pfizer екпесі ревакцинация кезінде қолжетімді бола ма?

Бәйтеректе футзалдан ашық турнир өтті
15 Қазан 2021

Бәйтеректе футзалдан ашық турнир өтті

Өнер фестивалі өтті
15 Қазан 2021

Өнер фестивалі өтті

Шыңғырлау ауданында жастарды қолдауға арналған кеңес отырысы өтті
15 Қазан 2021

Шыңғырлау ауданында жастарды қолдауға арналған кеңес отырысы өтті

3.09.2021, 11:29
Оқылды: 74
Сырым ауданында инватакси қызметін бастады

Кеше Сырым ауданында инватакси қызметін бастады. Инватакси – аудандағы мүмкіндігі шектеулі жандардың көтеріп жүрген негізгі мәселесі. Әсіресе арбадағы жандар үшін қалыпты көліктермен қатынау ыңғайсыз, оларға арнайы такси керек-ақ.

 77

Ерекше дамуы бар балалармен 20 жылдан астам уақыт жұмыс атқарған педагог, Сырым ауданындағы педагогикалық-психологиялық түзеу кабинетінің меңгерушісі, аудандық мәслихат депутаты Айда Ниязғалиеваның да сайлауалды бағдарламасында инватакси жұмысын енгізу жайы айтылған еді.

Сырым аудандық халықты жұмыспен қамтужәне әлеуметтік бағдарламалар бөлімі инватакси қызметін «Қазақ зағиптар қоғамы» қоғамдық бірлестігінің Батыс Қазақстан облыстық филиалымен келісімшарт жасасу арқылы ұйымдастырып отыр. Бөлімнің бас маманы Бағыжан Беляловтың айтуынша, шарттың құны 1, 5 млн теңгені құрайды.

- Сырым ауданында ресми 624 мүмкіндігі шектеулі жан бар. Біздер де – қоғамның тең өкіліміз. Қоршаған орта мен қоғамдық орын біздің де ортақ игілігіміз. Дегенмен, арамыздағы зағиптар, жүру, қозғалу мүмкіндігінен айырылған жандар қалаған жеріне қатынай алмай жатады. Негізгі мәселе – ыңғайлы көлік жоқ. Осы мәселені басшылық тараптың назарына ұдайы ұсынып келеміз. Міне, шешімін тауып жатыр.

Инватакси аудан бойынша қызмет атқарады. Қызмет – тегін. Бір күн бұрын диспетчерге хабарласып, сапарының уақытын, маршрутын айтып қою керек. Көлік жіберіледі, - дейді жоғарыда аталған ұйымның Сырым ауданындағы өкілі Жәрдем Мұхамбетжанов.

Арбаны көтеріп түсіретін аппаратпен жабдықталған «Wolksvagen Transporter» маркалы инватакси алғашқы күні Өлеңті ауылының тұрғыны Назыкеш Төлеуованы Ж.Досмұхамедов атындағы мектеп-бөбекжай-балабақша кешеніне және аудандық ауруханаға апарды.

 

Бауыржан Ширмединұлы,

Сырым ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале