Сырым ауданы орталығында 15 мамыр - Отбасы күні мерекесіне орай отбасылық эстафетадан аудандық сайыс өтті. Эстафетаға аудан орталығы Жымпитыдан бөлек жеті отбасы қатысты.
Тартысты өткен сайыста, І орынды саройлық Мырзағалиевтер отбасы, ІІ орынды жетікөлдік Суюншалиевтер, ІІІ орынды Шолақаңқаты ауылының тұрғындары Байсүндетовтер иеленді.
Одан бөлек, талдыбұлақтық Айтжановтар отбасы "Жеңіске деген жігері үшін" алғыс хат иегері атанды.
Жеңімпаздар мен жүлдегерлерге диплом, ақшалай сыйлық және шараға қатысқан барлық отбасыларға белсене қатысқаны үшін «Қайсар» спорт клубы атынан сыйлықтар табысталды.
Айжан Амангелдина,
Сырым ауданы
