Бүгінгі жолдаудағы негізгі әңгіме - агросала туралы. Бұл тақырыпқа Жолдауды тікелей эфирден тамашалаған Сырым колледжі ұжымының да қосар үні бар.
"Ауыл шаруашылығын дамыту – негізгі проблеманың бірі. Осы саладағы ахуал мемлекетіміздің азық-түлік қауіпсіздігіне тікелей әсер етеді. Еліміздің ауыл шаруашылығы өнімдерінің көлемін және оның қосымша құнын арттыру қажет. Бұл – стратегиялық міндет. Қазір тек бидай мен мал сатып отыратын заман емес. Үкімет агроөнеркәсіп саласын субсидиялаудың ұзақ мерзімге арналған жаңа тәсілдерін әзірлеуге тиіс" деді Президент.
Иә, ауылшаруашылық саласы - әртарапты. Бірақ, қай өндірістің де қозғаушы күші - мамандар.
Сырым колледжі механизаторларды, аспаздарды және жасанды интелекті дәуірінің мамандары - электронды есептеу жүйесі мамандарын даярлайды.
Аудандағы колледж ветеринария мамандарын оқытуға да ниетті. Бірақ, оқу базасы дайын емес.
Жолдау аясында бұл шаруалар да алға ілгерілер деген үміт бар.
Бауыржан Ширмединұлы,
Сырым ауданы
