Сырымда №291 сайлау учаскесі жұмысын бастады

19 наурыз - еліміз үшін саяси науқан. Сырым ауданының орталығы Жымпитыда орналасқан №291 сайлау учаскесі гимнмен сағат 7.00-де жұмысын бастады.

Аталмыш учаскеде Сырым ауданының әкімі Төлеген Төреғалиев таңдауын жасады.

- Бүгін еліміздің түкпір-түкпірінде әр азамат өз таңдауын жасап, өздері қалаған депутатқа дауыс беріп жатыр.

image-19-03-23-08-21-1

Дауыс беру - әрбіріміздің азаматтық борышымыз. Сайлау әділ өтіп, халықтың таңдауындағы азаматтар депутат болсын!,- дейді Төлеген Серікқалиұлы.

Алғашқы 15 минут ішінде 9 тұрғын дауыс беріп үлгерді. Аталған учаскеде 1664 сайлаушы бар.

Сайлау науқанының алғашқы сағатында Жымпиты ауылдық округінің әкімі Мейрам Қайырғалиев №291 сайлау учаскесіне келіп, дауыс берді.

- Ауылдастарымыз өз таңдауын жасау үшін түгелдей учаскелеріне келіп, дауыс береді деген ойдамыз, - дейді ауыл әкімі.

Кезектен тыс сайлау Сырым ауданының №290 сайлау учаскесінде таңғы сағат 7:00-де бата берумен басталды. Жымпиты ауылының 87 жастағы тұрғыны Ысқақ Курпелдесов ертемен №290 сайлау учаскесіне келді. Жұмысын бастағалы тұрған комиссия мүшелеріне батасын берді. Алғаш болып дауыс беруге келген Ысқақ Курпелдесов пен Қанипа Айдархановаға комиссия төрағасы Берік Бисалиев естелік сыйлық табыс етті.

IMG_20230319_070125

Айта кетейік, бұл сайлау учаскесінде 1584 сайлаушы бар. Үйден дауыс беретін адамдар саны -5. Сағат 12:00-ге дейін үйден дауыс берушілердің өтініші қабылданады. Бюллетеньдер саны — 1599.

IMG_20230319_070305