Елде қалыптасқан төтенше жағдай мен карантиндік шектеу шараларына байланысты биыл Сырым аудандық орталық мешітінде ауызашар дастарханы жайылған жоқ. Бірақ бұл ауызашар берілмеді деген сөз емес.
Ауданның бас имамы Әділхан Наурызбайұлының айтуынша, оразаның 30 күнінде мешіт 1730 адамға ауызашар берген. Дәм мешіт асханасынан дайындалып, үйлерге еріктілер таратқан.
Бір айта кетерлігі, Ораза айында мешітте жайылатын дастарханға демеушілік жасау үшін жымпитылықтар бірнеше ай бұрын кезекке тұрады. Бұл да - елдің иманының бір көрінісі.
Бауыржан Ширмединұлы,
Сырым ауданы
zhaikpress.kz
