Алматы облысында Жапек батыр кубогіне арналған дзюдодан 2010-2012, 2013-2014, 2015-2016 жылдары туылған кіші жасөспірімдер арасында «JAPEK BATYR CUP» республикалық ашық турнир өткен болатын.
Жарысқа еліміздің түкпір-түкпірінен татами шеберлері қатысты. Екі күнге созылған байрақты бәсекеде сырымдық балғын балуандар топ жарды.
Атап айтсақ, Батырхан Әділбеков 26 кг салмақ дәрежесінде жауырынын жерге тигізбей, 1 орынды жеңіп алды.
Айбол Қыдырғали 29 келі, Мансур Марат 35 келі салмақ бойынша өңіріне қоладан алқа тағып, 3 орын тұғырынан көрінді.
Үкілеген үмітті ақтаған намысты ұлдардың жаттықтырушылары — Мәулет Қожахметов, Бибарыс Нұралиев.
Шынар Молданиязова
Сырым ауданы
