Сырым ауданының Шағырлыой ауылында Абай мектеп-бөбекжай-балабақша кешенінде жасөспірімдерді отансүйгіштікке, тәртіпке баулу мақсатында 5 күндік оқу-далалық жиын өтті.
Аудан әкімінің орынбасары Асланбек Сарқұлов құттықтау сөз сөйлеген жиынға аудандағы әр мектептен 89 оқушы мен 14 алғашқы әскери дайындық пәнінің мұғалімдері қатысты.
Аталмыш шарада Ж.Досмұхамедов мектебінің алғашқы әскери дайындық пәнінің мұғалімі Е.Мұқанов жиын бастығы, Қ.Мырзалиев атындағы орта мектептің ұстазы А.Абдрахманов штаб бастығы, бұлдыртылық аталған пән мұғалімі Е.Әбдіғалиев жиын бастығының шаруашылық жөніндегі орынбасары лауазымдарына тағайындалды.
Одан бөлек, жас сарбаздарға жазғы демалыс кезеңінде құқықбұзушылық пен түрлі оқыс оқиғалардың алдын алу мақсатында Сырым ауданының төтенше жағдайлар бөлімінің аға инженері, азаматтық қорғау капитаны А.Қыдырсихов пен аудандық полиция бөлімінің лейтенанты Д.Ишмұханова түсінік жұмыстарын жүргізді.
А.Амангелдина,
Сырым ауданы
zhaikpress.kz
