Алматы қаласында өткен «Мен де жұлдыз боламын!» атты республикалық балалар шығармашылығы байқауында қособалық Айым Талаптан Гран-При иегері атанып, Түркияға жолдама алды.
Айым Талаптан Қособа мектебінде даярлық сыныбында оқиды. Жақұт Әмірғалиева тәрбиелейтін балғын әнші осыған дейін «Тіл тұтастық туы» атты облыстық тіл айлығы шеңберінде өткен «Бала тілі – бал!» айдары бойынша жүлдегер атанған болатын.
«Мен де жұлдыз боламын!» жобасының авторы Лариса Мақсатқызының айтуынша, Айым Талаптан осы желтоқсан айының 14-18 күндері Түркияның Анкара, Стамбул және Сакарья қалаларындағы концерттерде өнер көрсетеді.
Бауыржан ШИРМЕДИНҰЛЫ,
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
