Ел басына қиындық туған шақта ауыртпалықты бөлісуге барған бір топ талдықұдықтық бауырлар Орал қаласындағы тасқын судың көтерілуіне орай ел болып бірігіп, қолдан келгенше көмек қолын созуға арнайы келді.
- Өңіріміздің орталығы Орал қаласында тасқын суға қарсы көрсетіліп жатқан әр түрлі көмектер әлі жалғасын табуда. «Жұмыла көтерген жүк жеңіл» дегендей, біздің ауылдың жігіттері де өз көмектерін көрсету үшін еріктілер қатарында Орал қаласына жетті. Олардың қатарында Әбдірешов Роберт, Аманғалиев Хамит, Алдамжаров Медет, Меңдіғазиев Серік, Жандауов Руслан, Сариев Жанболат, Жасқайратов Арман, Жанғабылов Армат, Иманғалиев Марат, Жасталапов Ернат, Шыналиев Жандос, Шыналиев Болатбек, Төреғалиев Тимур, Төреғалиев Мәлік, Тасқалиев Радик, Ермеков Ербол, Қазекенов Жанат, Оразаев Жайық азаматтар бар. Елдің басына қиындық туғанда қол қусырып қарап отырмай көмекке келген жігіттерге қауым елдің атынан шын жүректен алғыс айтып, олардың барлық отбасына амандық тілейміз, - дейді ауыл әкімі Эльдар Талғатұлы.
Қыдыр Харесұлы,
Казталов ауданы
