Таяуда Жаңақала аудандық «Jastar» спорт клубының ұйымдастыруымен Қазақстан Республикасы Тәуелсіздігінің 30 жылдығына және астана күніне орай ерлер арасында тоғызқұмалақтан аудандық жарыс өткізілді.
Сайыстың қорытындысы бойынша жуалыойлық Айшуақ Аттанов І орынға ие болса, Болатбек Қуанышалиев (Бірлік ауылдық округі) ІІ орын алды. Ал Жанайдар Болатбекұлы («Жайық Пресс» ЖШС Жаңақала филиалы) үздік үштікті түйіндеді. Жарыстың бас төрешісі – біліктілігі жоғары деңгейдегі, жоғары санатты жаттықтырушы Қайрат Шаутенов болды.
Жеңімпаз және жүлдегер спортшылар аудандық «Jastar» спорт клубының дипломдарымен, медальдарымен және естелік сыйлықтарымен марапатталды.
Жарас Садық
Жаңақала ауданы
zhaikpress.kz
